Keçid linkləri

Təcili xəbərlər
2021, 07 May, Cümə, Bakı vaxtı 16:40

5 ildir ki, aldığı evə qeydiyyata düşə bilmir


Foto: Arxiv
-
Yasamal sakini Cəmil Süleymanov şikayət edir ki, 5 ildir yeni binadan aldığı mənzilə yaşayış qeydiyyatına düşə bilmir. Deyir, bu illər ərzində Yasamal rayon pasport qeydiyyatı idarəsinə ayaq döysə də, onu evinə qeydiyyata almırlar:

«Səbəb gətirirlər ki, bina yeni tikilidir, qeydiyyatı yoxdur. Belədirsə, qonşularım həmin binaya necə qeydiyyata düşüblər? Mən rüşvət vermirəm deyə, məni evimə qeydiyyata almırlar. 5 ildir ki, ailə üzvlərimlə havadayam».

Daxili İşlər Nazirliyinin Baş Pasport Qeydiyyatı İdarəsindən «Qaynar xətt»ə bildiriblər ki, yaşayış binası Bakı şəhər İcra Hakimiyyəti tərəfindən qəbul edilibsə, vətəndaşın aldığı evə qeydiyyata düşməsində problem ola bilməz. Bunun üçün vətəndaş yalnız rüsum ödəməlidir. Rayon üzrə pasport-qeydiyyat idarəsi vətəndaşa problem yaradırsa, o, mənzilin sənədləri ilə birlikdə birbaşa idarəyə müraciət etsin.

Hüquqşünas Namizəd Səfərov deyir ki, Cəmil Quliyevin həmin mənzilə orderi varsa, bu, artıq o deməkdir ki, bina Bakı şəhər İcra Hakimiyyətinin xüsusi komissiyası tərəfindən qəbul edilib. Hüquqşünas şikayətçiyə qeydiyyata götürülməkdən imtinaların qarşısını alan hüquqi yollar təklif edir:

«Orderi varsa, deməli mənzilinin ünvanı var. Şifahi müraciət etsə, o vətəndaşa ömrünün sonuna qədər min bir bəhanə gətirib onu qeydiyyata almayacaqlar. Yaxşı olar ki, Cəmil Süleymanov pasport və qeydiyyat şöbəsinə sənədlərini və qeydiyyata alınmaq barədə ərizəsini şöbəyə poçt vasitəsilə göndərsin. Bu zaman ona mütləq ya müsbət, ya da mənfi cavab veriləcək. İkinci halda o, məmurun hərəkətindən inzibati məhkəməyə müraciət etməklə mənzilə məhkəmə yolu ilə düşə bilər».

Şərhlər (1)

Bu forum dayandırılıb

Siz də şikayətinizi buradan göndərə bilərsiz

ƏLAQƏ ÜÇÜN

Çəkdiklərinizi, eləcə də şikaylətlərinizi bizə WhatsApp-dan başqa,

XS
SM
MD
LG