Nilufər Muğantürk. Söz

-

SÖZ

Tarix: 17.05.2012, saat: 22:30

Mən sənə əllərimi verim
Sənsə qara əskiyə bürünmüş ömrünün geri qalanını
Mən sənə ömür boyu təbəssüm
Sənsə məni ömür boyu ağladacaq gözlərini

Mən sənə sonsuz arzular verim
Sənsə ölmüş ümidlərinin külünü
Mən sənə xəyallarımın ən uca zirvəsini
Sənsə istəklərin çökəkliyini

Mən sənə enişsiz-yoxuşsuz yollar verim
Sənsə dar dalanlar, çıxılmaz küçələr
Mən sənə ürəyimin ən rahat yerində kirayə “mənzil”
Sənsə ömür boyu kasıb qalacağına SÖZ