Boş qalan yerlərə ixtisas seçimi bu gecə başa çatır

Ali təhsil müəssisələrinin boş qalan yerləri üzrə və orta ixtisas təhsil müəssisələrinə ixtisas seçimi 23 avqust saat 23:59-da başa çatacaq.

Tələbə Qəbulu üzrə Dövlət Komissiyası xəbərdarlıq edir ki, həmin vaxta qədər ixtisas seçiminə buraxılmış bütün abituriyentlər ixtisas seçimi etməli və «Abituriyentin elektron ixtisas seçimi ərizəsi»ni təsdiqləməlidirlər.

Ərizələrini təsdiqləməyən abituriyentlər müsabiqədə iştirak etmək hüququnu itirirlər.