Keçid linkləri

2024, 08 May, çərşənbə, Bakı vaxtı 18:40

Oskara ciddi namizəd gəlir...


Yeni "Anna Karenina" filmindən kadr (2012)
Yeni "Anna Karenina" filmindən kadr (2012)
-

Indiyəcən dahi Tolstoyun “Anna Karenina”sı əsasında 10-dan çox film çəkilib.

Amma həmin filmlərin heç birini nə qazandığı mükafatlar, nə də gətirdiyi qazanc baxımından sensasiya saymaq olmaz.

Britaniyada çəkilən yeni film bu mənada şeytanın qıçını sındırmağa iddialıdır.

Yeni “Anna Karenina” sentyabrın 7-də ekranlara çıxmalıdır. Amma indidən onun adını Oskara ciddi namizədlər arasında çəkənlər də var.

Filmi sadəcə tarixi mövzuda al-əlvan kostyumlu film, yaxud yalnızca uğursuz bir sevgi hekayəti adlandırmaq olmaz.

Onun öz fəlsəfəsi var.

Yeni “Anna Karenina”nın yaradıcıları deyirlər ki, 19-cu əsrdə Rusiya aristokratiyası bütün davranışlarında Fransanı yamsılamağa çalışırdı.

Zadəganlar öz aralarında fransızca danışır, fransız dəbi ilə geyinir, fransız dayələrdən tərbiyə görürdülər.

Beləliklə də öz kimliklərindən uzaqlaşıb bir süni aləmdə, sanki bir teatrda yaşayır, olmadıqları insanların rolunu ifa edirdilər.

Rejissor Joe Wright deyir ki, filmin böyük hissəsini teatrda çəkmək ideyası da burdan yaranıb.

Amma arada qəhrəmanlar bu süni dünyaya arxa çevirib reallığa üz tuturlar.

Faciə də elə süni və gerçək dünyaların toqquşması zamanı yaranır.

Filmdə baş rolları Keira Knightley (Karenina), Jude Law (Karenin) və Aaron Taylor-Johns (Vronski) ifa edirlər.

Amma Britaniyanın "İndependent" qəzeti isə sual edir: bəlkə bu romanda nəsə var ki, indiyəcən ondan yaxşı film alınmasına mane olub?

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG