Keçid linkləri

2017, 23 Yanvar, Bazar ertəsi, Bakı vaxtı 13:12

ƏDALƏT ƏSGƏROĞLU. YETİŞ İMDADIMA, GƏL, XUDAM, DEDİM...


-

Gəlmişdim mən sənə hələlik deyim,
Dilim zalım oldu, əlvida dedim.
Tək Tanrı eşqinə dönüm, dönməyim...
Dünya dağılmaz ki, bir xəta, dedim.

Ümid göyərtmişdim torpağım sanı,
Xoş günə yazmışdın qədər yazanı.
İndi bu dərdlərin gözləri hanı,
Məni şirin-şirin aldada, dedim.

Qəmi əskik olmaz mən tək fağırın,
Ötürər yüngülün tutar ağırın.
Bir gerçək sözlünü qonaq çağırın,
Hikməti, kəlamı bal dadar, dedim.

Ötər Əsgəroğlum bir qara daşnan,
Gözüqıpıq qalan bu yarı yaşnan.
Üzə kölgə salan havalı başnan
Yetiş imdadıma, gəl, Xudam, dedim.
XS
SM
MD
LG