Keçid linkləri

2024, 17 Aprel, çərşənbə, Bakı vaxtı 23:06

Sayman Aruz. Azərbaycan


-

Azərbaycan!
Sən də nazlan,
Sən də qırcan!
Tale tərsə fırlananda,
Gül də dönüb xarə dönər!

Ey toprağı ləli mərcan! evim yoxdur,
Deyəndə də Evin-Evin* sürüyürlər,
Qandallayıb,
Güllələyib,
Toprağına bürüyürlər.
Işim yoxdu,
Eşim yoxdu.
Mənim cibim-
Kafelər tək...
Azadlığım səndən böyük,
Səndən yüksək...
Rusu qoyub,
Farsı qoyub,
Sən mənəmi qırcanırsan!?
Sən Quzeydən Güneyədək
Kölgə kimi uzanırsan,
Nefti satıb qazanırsan,
Qızıl satıb qazanırsan,
Utanırsan , utanmırsan!
Amma mənim ovuc qədər sənim yoxdu!
Sənin məndən çox varındı,
Mənim səndən heç yoxumdu.
Nə Səttarxan,
Nə Bağırxan,
Nə də müasir yaranan
Arıq-cığaz millətçilər
Səni mənə vermədilər.
Qaranlığın döyüşünə çox getdilər,
Amma geri gəlmədilər.
Yaddaşımdan silinməyə az qalırsan,
Yadlaşırsan!
Dincəlməyin vaxtı deyil,
Sümüyümüzlə ney çalan,
Səni sağan, məni sağan,
Saçımızı qamçılayan,
Qolumuzu qayçılayan,
Hey kökəlir, hey dikəlir,
Toprağında əlsiz-ayaqsız kölələr,
Qara xuliqanlar əkir!
Artıq səni aparmağa,
Nə qol qalır,
Nə də ki, əl.
Dur ayağa yubanırsan
Dur ay kişi!
Tez ol dirçəl!
Səninləyəm Azərbaycan!

__________
*Evin: Tehranda zindan adıdır!

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG