Keçid linkləri

Təcili xəbərlər
2021, 20 İyun, bazar, Bakı vaxtı 08:53

Berti Foqts Vaqif Cavadovu bağışladı


Berti Vogts
Bu gün AFFA-da baş katib Elxan Məmmədovun iştirakı ilə Azərbaycan millisinin baş məşqçisi Berti Foqts və futbolçu Vaqif Cavadov arasında görüş keçirilib.

AFFA-nın saytında gedən məlumata görə, Berti Foqts deyib ki, Vaqif Cavadov gənc və bacarıqlı futbolçudur və hesab edirəm ki, ona ikinci dəfə şans verilməlidir.

Xatırladaq ki, 2011-ci ilin oktyabrında Avstriyaya millisi ilə Bakıda keçirilən seçmə oyundan (1:4) sonra Vaqif Cavadovla Berti Foqts arasında mübahisə yaranıb.

O vaxtdan Cavadov milliyə dəvət edilmirdi. Foqts isə müsahibələrində dəfələrlə bəyan etmişdi ki, onun baş məşqçisi olduğu müddətdə Vaqif bir daha Azərbaycan yığmasına çağırılmayacaq.
XS
SM
MD
LG