Keçid linkləri

2017, 27 May, şənbə, Bakı vaxtı 10:31

London-2012: Boksçu Məhəmməd Abdülhəmidovun nəticəsi ləğv olunub


London 2012
London-2012 Olimpiya Oyunlarında yarışan Azərbaycan boksçusu Məhəmməd Abdülhəmidovun (56 kq) qələbəsi əlindən alınıb.

Mübarizəyə 1/8 final mərhələsindən başlayan Məhəmməd Abdülhəmidov yaponiyalı Şatozi Şimizuya ilə görüşdə qalib elan olunub. Lakin sonradan Hakimlər Kollegiyasının qərarına əsasən yapon boksçunun qalib gəldiyi bildirilib.

Beynəlxalq Boks Federasiyasının (AİBA) məlumatına görə, azərbaycanlı idmançı üçüncü raundda 6 dəfə yerə yıxılıb. Yarışın qaydalarına görə isə hakim ən azı 3 belə halı nəzərə almalıdır.

AİBA-nın qaydalarına müvafiq olaraq, bu zaman hakim döyüşü dayandırmalı və texniki nokaut qərarı verməlidir.

Federasiya bildirib ki, döyüşün videosunu izlədikdən sonra Yaponiya tərəfinin apelyasiyasını qəbul edib və nəticəni dəyişdirib.

AİBA rəsmiləri avqustun 2-də döyüşü izləmiş hakimin işinə baxacaq.

Sənin fikrin

Şərhləri göstər

Günün bütün mövzuları

XS
SM
MD
LG