İyulun 23-də Azərbaycanın Ağdam rayonunun işğalından 19 il ötür. Ərazisinin 70 faizini itirən Ağdamın işğalı ilə rəsmilər Azərbaycan iqtisadiyyatı 3 milyard manat itirdiyini bildirirlər.
23 iyul 1993-cü ildə azsaylı könüllü Azərbaycan əsgərləri ilə erməni ordusu arasında 42 gün davam edən döyüş Ağdamın işğalı ilə nəticələnib.
Ağdamın işğaldan əvvəl 88 min 395 hektar ərazisi, 1 şəhəri, 119 kənd və qəsəbəsi olub. 1993-cü ilədək rayonun 1736 hektar dövlət meşəsi, 710 hektar kolxoz meşəsi, 560 hektar yol, su və kanal kənarı, şəhərətrafı meşə sahələri var idi.