Keçid linkləri

2024, 29 Mart, Cümə, Bakı vaxtı 01:35

Gürcüstanda müxalifətin reytinqi qalxır


Bidzina İvanişvilinin rəhbərlik etdiyi Gürcüstan Arzusu müxalifət koalisiyasının nümayişi
Bidzina İvanişvilinin rəhbərlik etdiyi Gürcüstan Arzusu müxalifət koalisiyasının nümayişi
Gürcüstanda hakim partiya öndə olsa da, müxalifət partiyası getdikcə daha çox irəliləyir.

Milli Demokratiya İnstitutunun (MDİ) dəstəyi ilə Gürcüstanda keçirilən rəy sorğusunun nəticələri iyulun 16-da açıqlanıb.

8 FAİZ ARTIM, 11 FAİZ DÜŞMƏ

Rəyi soruşulanların 36 faizi deyib ki, sabah parlament seçkisi keçirilsəydi, hakim Vahid Milli Hərəkata səs verərdilər. 18 faizi isə Bidzina İvanişvilinin rəhbərlik etdiyi Gürcüstan Arzusu müxalifət koalisiyasına səs verəcəyini deyib.

Ötən fevralda keçirilmiş eyni sorğunun nəticələrinə görə, müxalifətin reytinqi 8 faiz artıb, hakim partiya isə 11 faiz itirib.

Sorğunu iyunda Qafqaz Resurs və Tədqiqat Mərkəzi keçirib.

5%-İ AŞA BİLMƏYƏNLƏR

Başqa heç bir partiya parlamentə düşmək üçün 5%-lik baryeri aşa bilməyib. Sorğuda ölkə üzrə 6.229 seçici iştirak edib, 2%-lik xəta da nəzərə alınıb.

Ötən həftə seçki kampaniyasına başlamış Xristian Demokratik Hərəkatı (XDH) isə 3% toplaya bilib.

MDİ-nin fevralda keçirdiyi sorğuya görə, hakim partiya 47%, İvanişvilinin koalisiyası 10%, XDH isə 3% toplaya bilmişdi.

Sorğuya görə, 22% hələ qərar verməyib, (fevralda da həmin rəqəm idi), 16% cavab vermək istəməyib, (fevralda bu rəqəm 10% idi), 4% deyib ki, partiyaların heç birinə səs verməyəcəklər.

Bu sorğu Gürcüstanda son kabinet dəyişmələrindən bir neçə həftə əvvəl keçirilib və ona görə də siyasi reytinqə təsir edib-etmədiyi aydın deyil.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG