«Azadlıq» qəzeti yazır ki, «Gələcək» İctimai Birliyi Sumqayıtda «Vicdanımı satıram» adlı aksiya keçirib. Aksiyanın keçirilməsində əsas ideya isə sosial ədalətsizliyin ictimailəşdirilməsi olub.
Birliyin prezidenti Atilla Cavid deyib ki, insanlar həm şəxsi, həm də vəzifə səlahiyyətlərindən istifadə edərək bir-birilə ədalətsiz davranır, şəxsi maraqlarını ümumi maraqlardan üstün tutur. Bu isə demokratik cəmiyyətin formalaşmasında təməl prinsiplərdən biri, «ədalətlilik» prinsipini pozur:
«Liberal gənclər olaraq biz bunun əleyhinəyik və demokratikləşmə uğrunda öz töhfəsini vermək arzusundayıq. Adıçəkilən problemə etirazımızı bu formada etməklə sosial təbəqəsindən asılı olmadan insanları ədalətli olmağa, şəxsi azadlıqlara və ən əsası demokratiyanın təməl prinsiplərinə hörmət və əməl edilməsinə çağırırıq».
«Yeni Azərbaycan» qəzeti bunu Milli Məclisin sədr müavini Bahar Muradovaya istinadən yazır. Bahar Muradova bildirib ki, radikal müxalifət haqqında belə rəyin formalaşmasına kifayət qədər əsaslar var. Onun fikrincə, müxalifət rəhbərləri bu adları özlərinin Azərbaycanın maraqlarına zidd fəaliyyətləri ilə qazanıblar:
«Bu onların adlarının əvvəlinə yazılmış təyindir, epitetdir».
İyulun 11-də Nazirlər Kabinetinin iclasında prezident İlham Əliyev müxalifəti satqınlarda, xəyanətkarlıqda ittiham edib.
BİNƏQƏDİ SAKİNLƏRİNİ HİDDƏTLƏNDİRƏN MÜƏMMA
«Bizim yol» qəzeti sakinlərə istinadən yazır ki, camaat qazpulu ödəsə də, qazları kəsilir:
Qaz
«Sakinlər «Azəriqaz» İstismar Birliyinin Binəqədi rayon Qaz İstismar Sahəsindən şikayətçidirlər. Onlar bildirirlər ki, istifadə etdikləri qaza görə ödənişlər etsələr də, borcları silinmir. Bu da onlarda qəzəb yaradır».
Binəqədi rayon Qaz İstismar İstismar Sahəsindən qəzetə bildiriblər ki, günah istifadəçilərdədir:
«Sakinlər «pay-point» aparatından istifadə etməyi bacarmırlar. Ödəniş kartının nömrəsini yığırlar, pulu aparata atıb gedirlər. Çoxunun etdikləri ödənişə görə əllərində heç qəbzi də yoxdur. Qəbz aparatdan çıxmamış çıxıb gedirlər. Bu isə aparatda texniki problemlər yaradır».
AzadlıqRadiosu Jurnalistika üzrə Təqaüd Proqramı elan edir
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
