Azərbaycan qazını Avropaya çıxarmağı hədəfləyən Trans-Anadolu qaz kəməri ilə bağlı iyunun 26-da İstanbulda saziş bağlanıb.
Azərbaycan prezidenti İlham Əliyevin və Türkiyə Baş naziri Racep Tayyip Erdoganın da iştirak elədiyi mərasimdə sazişi Türkiyənin Enerji və Təbii sərvətlər naziri Taner Yıldız və ARDNŞ sədri Rövnəq Abdullayev imzalayıblar.
Türkiyənin Baş naziri Racep Tayyip Erdogan bildirib ki, 7 milyard dollarlıq bu layihə 5 il içində tamamlanacaq, ilkin olaraq keçiriciliyi 16 milyard kubmetr olan boru kəmərinin gücünün sonradan 50 milyard kubmetrə çıxarılması nəzərdə tutulur. Və kəmər sadəcə Şahdəniz yatağındakı yox, Azərbaycanın Xəzərdəki bütün qaz ehtiyatlarını Avropaya çatdırmağı hədəfləyir.
80 faizi Azərbaycana, 20 faizi Türkiyəyə məxsus olacaq Trans-Anadolu qaz kəməri ilə nəql ediləcək qazın 6 milyard kubmetri Türkiyənin daxili ehtiyacları, 10 milyard kubmetri isə Avropaya satış üçün nəzərdə tutulur.
Azərbaycan prezidenti İlham Əliyevin və Türkiyə Baş naziri Racep Tayyip Erdoganın da iştirak elədiyi mərasimdə sazişi Türkiyənin Enerji və Təbii sərvətlər naziri Taner Yıldız və ARDNŞ sədri Rövnəq Abdullayev imzalayıblar.
Türkiyənin Baş naziri Racep Tayyip Erdogan bildirib ki, 7 milyard dollarlıq bu layihə 5 il içində tamamlanacaq, ilkin olaraq keçiriciliyi 16 milyard kubmetr olan boru kəmərinin gücünün sonradan 50 milyard kubmetrə çıxarılması nəzərdə tutulur. Və kəmər sadəcə Şahdəniz yatağındakı yox, Azərbaycanın Xəzərdəki bütün qaz ehtiyatlarını Avropaya çatdırmağı hədəfləyir.
80 faizi Azərbaycana, 20 faizi Türkiyəyə məxsus olacaq Trans-Anadolu qaz kəməri ilə nəql ediləcək qazın 6 milyard kubmetri Türkiyənin daxili ehtiyacları, 10 milyard kubmetri isə Avropaya satış üçün nəzərdə tutulur.
