Keçid linkləri

2024, 28 May, çərşənbə axşamı, Bakı vaxtı 20:35

Xatirə Nurgül. Stop kadr


Xatirə Nurgül


Şeirlər


STOP KADR

Olduqca kədərlidi
bir xanımın kafedə təkbaşına əyləşməsi,
təkbaşına içdiyi çay,
oxuduğu kitab...
Sonra təkbaşına ödədiyi hesab
və qapıdan çıxarkən
özünü həyata gülümsəməyə məcbur etməsi...


ETİRAF

Gizlət əllərini,
gizlət gözlərini,
gizlət səsini.

Yoxsa hələ də darıxdığımı,
darıxıramsa hələ də unutmadığımı,
unutmadımsa hələ də sevdiyimi
anlayacaq qədər varam.

Amma anlamayacaq qədər də
günahkaram
günahkaram…

Əllərini ciblərinə sal,
gözlərini yum,
sus, lütfən sus.

Xanımlar sevəndə kədərli olurlar…
Sevəcək qədər kədərliyəm,
kədərlənəcək qədər varam

sus, lütfən sus…


BƏLKƏ DƏ

Bəlkə də yazdığım son şeirdi bu,
aldığım son nəfəsdi,
yaşadığım son saat.

Üzüldüyüm
bunlar deyil amma.

Bu şeiri sənə yazdım-
bilmədin,
son nəfəsi səninçün alıram -
bilmirsən,
son saatı səni görməkçün yaşayıram-
bilməyəcəksən.

Və bir sual var
fikrimdə dolaşan-
sənmi bilmək istəmədin,
mənmi demədim...?

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG