Bakı yenə ən bahalı 50 şəhər arasındadır

Azərbaycan paytaxtı dünyanın ən bahalı şəhərləri siyahısında 2011-ci ilə nisbətən 1 pillə geriləyərək 49-cu yeri tutub.

«APA»nın məlumatına görə, dünyanın 214 şəhərini əhatə edən bu siyahı «Mercer» beynəlxalq konsaltinq və investisiya şirkəti tərəfindən hər il tərtib edilir.

Şəhərlərin siyahısı 200-dən artıq mal və xidmətlərin qiymətləri əsasında tərtib olunur. Builki siyahıya Yaponiyanın paytaxtı Tokio şəhəri başçılıq edir. Bu şəhərdən başqa ilk beşlikdə Anqolanın paytaxtı Luanda, Tokionun Osaka şəhəri, Rusiya paytaxtı Moskva və İsveçrənin Cenevrə şəhərləri yer alıb.