İtaliya polisi məktəbdə bomba partladan şəxsi həbs edib

İtaliya mediası ötən ay Brindsi şəhərindəki məktəbdə baş verən bomba partlayışı ilə bağlı şübhəli şəxslərin həbs olunduğunu yazıb.

Mayın 19-da məsafədən idarə olunan bombanın partlayışı nəticəsində 16 yaşlı məktəbli qız ölmüş, 5 nəfər yaralanmışdı.

68 yaşlı şübhəlinin "şəxsi qan düşmənçiliyi" motivi altında hərəkət etdiyi bildirilir. Onun cinayətini etiraf etdiyi söylənir.