Keçid linkləri

2024, 29 Mart, Cümə, Bakı vaxtı 00:18

Həmsədrlər Nalbandyanla görüşüb


Foto arxiv
Foto arxiv
Ermənistanın xarici işlər naziri Edvard Nalbandyan mayın 12-də regionda səfərdə olan ATƏT-in Minsk Qrupunun həmsədrlərini qəbul edib.

Bu barədə Turan agentliyi xəbər verir.

Ermənistan Xarici İşlər Nazirliyinin məlumatına görə, Nalbandyan deyib ki, Minsk Qrupunun 18 illik fəaliyyəti ərzində tərəflər üçün Dağlıq Qarabağ münaqişəsinin həllinə yaxınlaşmaq imkanları açılsa da, hər dəfə Azərbaycan geriyə addım atmaqla sazişin əldə olunmasını əngəlləyir.

O Azərbaycanı hərbi ritorikanı davam etdirmək, təmas xəttində təxribat törətmək və böyük sayda silah almaqda günahlandırıb.

Danışıqlar zamanı bu il yanvarın 23-də Azərbaycan, Ermənistan və Rusiya prezidentlərinin görüşündə əldə olunmuş razılaşma, əsasən də təmas xəttində insidentlərin araşdırılması mexanizmi müzakirə olunub.

Mayın 11-də həmsədrlərin Qarabağa nəzərdə tutulan səfəri hava şəraitinə görə, təxirə salınıb.

Həmsədrlər mayın 13-də Bakıya gələcəklər. Onlar prezident İlham Əliyev və xarici işlər
naziri Elmar Məmmədyarovla görüşəcəklər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG