Keçid linkləri

2024, 05 May, bazar, Bakı vaxtı 02:17

Milyarder qadının dəhşətli intiqamı (Premyera)


Akademik Milli Dram Teatrı
Akademik Milli Dram Teatrı
Doğulduğu Güllen şəhərinə gələn multimilyarder Klara Tsaxanasyan yerli sakinlərə şok təklif edir.

Mən sizə 1 milyard verirəm, siz də bunun əvəzində Alfred İlli qətlə yetirirsiz.

İll kimdir? Multimilyarderin keçmiş sevgilisi.

Onlar vaxtilə çılğın bir eşq macərası yaşayıblar, amma İll doğulan uşağa atalıq etmək istəməyib.

Buna görə də Klara şəhəri tərk edərək fahişəliklə məşğul olmağa başlayıb...

Şəhər sakinləri əvvəl qətlin icrasına razı olmasalar da, iqtisadi böhran, şəhərin boş xəzinəsi onları sındırır...

20-ci əsrin ən böyük dramaturqlarından olan isveçrəli Fridrix Dürrenmattın «Yaşlı xanımın gəlişi» adlanan bu tragikomediyası 1956-cı ildə səhnəyə qoyulandan sonra çox böyük uğur qazanmışdı.

Elə bir uğur və gəlir ki, dramaturq bundan sonra iqtisadi cəhətdən tam azad olmuşdu.

İndi Azərbaycanda - Akademik Milli Dram Teatrında mayın 11-də saat 19.00-da «Yaşlı xanımın gəlişi» əsəri əsasında hazırlanan eyniadlı tamaşanın premyerası keçiriləcək.

Xəbəri AzadlıqRadiosuna Akademik Milli Dram Teatrının mətbuat katibi Elçin Cəfərov verib.

Tamaşanın quruluşçu rejissoru Rövşən Almuradlıdır. Tamaşada yeganə qadın obrazını - yaşlı xanımı Əməkdar Artist Sənubər İsgəndərova canlandırır.

Digər rollarda Xalq Artistləri Ramiz Məlik (Müşavir) Nurəddin Mehdixanlı (Burqomistr) Ramiz Novruz (İll), Hacı İsmayılov (Müəllim) və başqaları çıxış edirlər.

Xatırladaq ki, Friedrich Josef Dürrenmatt həmişə pyeslərində dünyadakı xaosu, haqsızlığı və ədalətsizliyi qələmə alıb.

Dürrenmatt 1990-cı ildə vəfat edib.

Dürremantın pyesi əsasında çəkilmiş "Xanımın gəlişi" filmindən parça

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG