Prezident İlham Əliyev aprelin 27-də Bakı şəhərində Dənizkənarı Bulvarın genişləndirilməsi ilə bağlı əlavə işlərə 5 milyon manat ayrılması barədə sərəncam verib. Sənədə görə həmin pul 2012-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan veriləcək.
Bakıda bulvarın təmirinə son illər külli miqdarda pul ayrılıb. Tənqidçilər bulvarında üzlük daşların lazımsız yerə tez-tez dəyişdirilməsindən şikayət edirlər. Amma bulvar idarəsi bu ittihamları rədd edir.