Keçid linkləri

2017, 25 İyul, çərşənbə axşamı, Bakı vaxtı 03:00

Almaniya prezidenti Tymoshenko'ya görə Ukraynaya getmədi


Joachim Gauck
Almaniya prezidenti Joachim Gauck həbsdə olan keçmiş Baş nazir Yulia Tymoshenko'nun səhhəti və saxlanma şəraitinə görə Ukraynaya səfərini təxirə salıb.

Prezidentin nümayəndəsi bildirib ki, J.Gauck Mərkəzi Avropa ölkələrinin mayın 11-12-də Yaltada keçiriləcək toplantısına qatılmayacaq.

Almaniya mətbuatının yazdığına görə, prezident bu barədə kansler Angela Merkel'lə məsləhətləşdikdən sonra qərar verib.

Y.Tymoshenko həbsxanada döyülməsinə etiraz olaraq aprelin 20-də aclığa başlayıb. O, xeyli vaxtdır ki, kürəyində baş qaldırmış ağrıdan əziyyət çəkir. Almaniya hökuməti onu ölkədəki klinikalardan birində müalicə etməyə hazır olduğunu bildirib.

Keçmiş baş nazir hazırda 7 illik həbs cəzası çəkir. O, hakimiyyətdə olduğu dövrdə Rusiya ilə qaz müqaviləsi imzalanarkən səlahiyyətlərini aşmaqda təqsirləndirilir.

Günün bütün mövzuları

XS
SM
MD
LG