Bolqarıstanın baş naziri Bakıya gəlib

Bolqarıstanın baş naziri Boyko Borisov Azərbaycana rəsmi səfərə gəlib.

APA-nın məlumatına görə, Boyko Borisov səfər zamanı Azərbaycan prezidenti İlham Əliyev və baş nazir Artur Rəsizadəylə görüşəcək.

Danışıqlar zamanı iki ölkə arasındakı münasibətlər və iqtisadi əlaqələrin inkişafı müzakirə olunacaq.

Səfərin yekununda iki ölkə arasında bir sıra sənədlər imzalanacağı gözlənilir.