Aprelin 20-də Bakının Qaradağ rayonu ərazisində ağır yol qəzası baş verib.
Rayon Polis İdarəsindən ANS PRESS-ə verilən məlumata görə, hadisə Sədərək Ticarət Mərkəzi istiqamətində, Bakı Kənar Dairəvi Yolunun 11-ci kilometrliyində qeydə alınıb. Qax rayonundan ticarət mərkəzinə sərnişin daşıyan «Daewoo» markalı avtobus «KAMaz» markalı yük maşınına arxadan çırpılıb. Yük maşını aşıb.
Hadisə nəticəsində 2 nəfərin öldüyü, 30-dan çox adamın yaralandığı bildirilir.
Avtobus sürücüsünün köməkçisi Şərif Əfəndiyev ANS PRESS-ə bildirib ki, öncə avtobusu «Ford» markalı yol təmizləyən maşın vurub. Nəticədə avtobus qabaqdakı yük maşınına çırpılıb.
Respublika Klinik Xəstəxanasının baş həkiminin müavini Mahir Babayev «Trend»ə deyib ki, xəstəxanaya xəsarət almış 7 nəfər daxil olub. Hazırda onların vəziyyəti ağır stabildir.
Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin baş direktoru qəza zamanı 2 nəfərin ölümünü təsdiqləyib.
Rayon Polis İdarəsindən ANS PRESS-ə verilən məlumata görə, hadisə Sədərək Ticarət Mərkəzi istiqamətində, Bakı Kənar Dairəvi Yolunun 11-ci kilometrliyində qeydə alınıb. Qax rayonundan ticarət mərkəzinə sərnişin daşıyan «Daewoo» markalı avtobus «KAMaz» markalı yük maşınına arxadan çırpılıb. Yük maşını aşıb.
Hadisə nəticəsində 2 nəfərin öldüyü, 30-dan çox adamın yaralandığı bildirilir.
Avtobus sürücüsünün köməkçisi Şərif Əfəndiyev ANS PRESS-ə bildirib ki, öncə avtobusu «Ford» markalı yol təmizləyən maşın vurub. Nəticədə avtobus qabaqdakı yük maşınına çırpılıb.
Respublika Klinik Xəstəxanasının baş həkiminin müavini Mahir Babayev «Trend»ə deyib ki, xəstəxanaya xəsarət almış 7 nəfər daxil olub. Hazırda onların vəziyyəti ağır stabildir.
Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin baş direktoru qəza zamanı 2 nəfərin ölümünü təsdiqləyib.
