Keçid linkləri

2024, 28 Mart, Cümə axşamı, Bakı vaxtı 19:27

Qulu Ağsəs ilk sevgilisi ilə görüşmək istəmədi


.
BEŞMƏRTƏBƏ layihəsi

Hər dəfə layihə iştirakçısı 5 suala 5 versiyada cavab verir. Şərtə görə, cavabda "hə" və ya "yox" variantlarından biri seçilməli, ona bir cümləlik izah əlavə olunmalıdır.

Layihənin növbəti qonağı şair Qulu Ağsəsdir.

Dəyişmək istərdinizmi?

1. İllərin sürətini...
- Hə. Çünki illərin hara getdiyini bilirəm.
2. Çevrənizi...
- Yox. Onsuz da çevrədən çıxmaq olmur.
3. Adınızı...
- Yox. Qulu Ağsəs adı kimdə var?!
4. Yaşınızı...
- Yox. Ömrün “günortasındayam”, indi-indi sümüklərim qizir.
5. Bədəninizi...
- Yox. Öz paltarım əynimə yaxşı oturur.

Görüşməyi arzulardınızmı?

1. Yadplanetlilərlə...
- Hə. Onlardan eşidəcəyim ilk sözü kitabıma ad qoyardım.
2. İlk sevginizlə (ilk sevdiyinizlə)...
- Yox. Birdən bir-birimizi tanimarıq.
3. Məhəmməd Füzuli ilə...
- Hə. Özü də Məcnun yaşlarında.
4. Vanqa nənə ilə...
- Yox. Onunla baba olanda görüşərik.
5. İlk insan olan Adəmlə...
- Yox. Bir gündə nə qədər adamla görüşmək olar?!

Darıxırsızmı?

1. Uşaqlığınız üçün...
- Yox. Ondan hələ də ayrılmamışam.
2. Uzaq bir yer üçün...
- Yox. Balamdan ayrı qala bilmərəm.
3. Dünyasını dəyişmiş kimsədən ötrü...
- Yox. Hər dünyanın öz gözəlliyi var.
4. Gələcəyi gözləməkdən...
- Yox. Əksinə, ləzzət alıram.
5. Bəzən izahsız...
- Hə. Bəzən izahsız, bəzən də izahlı.

Oxuya bilirsizmi?

1. Hər gün kitab...
- Yox. Vaxt olmur.
2. Hər səhər qəzet...
- Hə. Qəzet yaxşı yol yoldaşıdır.
3. Elektron material...
- Hə. Axır ki, mən də ilişdim...
4. Mahnı...
- Yox. Amma çoxunun sözünü əzbər bilirəm.
5. İnsanları üzündən...
- Hə. Bilirsiz, orda nələr yazılıb?!

İnanırsızmı?

1. Sevdiyinizə yüz faiz...
- Yox. Faizlə sevmirəm.
2. Bəşəriyyətin xoşbəxt gələcəyinə...
- Hə. Yoxsa yaşamaq olmaz ki...
3. Allaha...
- Hə. Ondan yoxdu!!!
4. İlk dəfə rastlaşdığınız adamın vədlərinə...
- Yox. Amma çox vaxt aldanıram.
5. “Siz hamıdan yaxşı adamsınız” sözünə...
- Yox. Necə adam olduğumu başqasından niyə öyrənməliyəm?!

publika.az

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG