İsrail tanınmış alman yazıçının ölkəyə girişini qadağan edib

İsrail hakimiyyəti tanınmış almaniyalı yazıçı, Nobel mükafatı laureatı Günter Grasın ölkəyə girişinə qadağa qoyub.

84 yaşlı Grass bu həftə yerli qəzetlərdən birində dərc etdirdiyi şerdə İsraili İrana hücum etmək istəməkdə və özünün nüvə ptensialı barədə həqiqəti beynəlxalq aləmdən gizlətməkdə kəskin tənqid edib.

Bu şer İsrail liderlərinin kəskin narazılığına səbəb olub.

Onlar yazıçını antisemitizmdə ittiham edirlər.

Gross isə deyir ki, onun tənqidləri İsrail hökuməti yox, onun indiki rəhbərliyinə qarşı yönəlib.