Kaliforniyada universitetdə azı 7 nəfər öldürülüb

ABŞ rəsmiləri bildirirlər ki, aprelin 3-də Kaliforniyada bir kiçik xristian universitetinə silahlı hücum zamanı azı 7 nəfər həlak olub, 3 nəfər də ağır yaralıdır.

Polis hadisəni törətməkdə şübhəli olan adamı qonşu Alamedada tutduğunu bildirir.

Yerli telekanalın məlumatına görə əslən Koreyadan olan bu adam həmin universitetin keçmiş tələbəsi olub. O, sinif otağına girərək içəridəkilərə atəş açıb.
Hadisənin səbəbləri məlum deyil.