Rusiyada təyyarə qəzasında ölənlərin ailələrinə kompensasiya verilir

Tümendə təyyarə qəzasında həlak olanların ailələrinə 3 milyon yarım, xəsarət alanlara isə 3 milyon rubl kompensasiya veriləcək.

Bu vəsaiti Tümen hökuməti və Yut eyr hava şirkəti ödəyəcək.

Qəza nəticəsində 31 sərnişin ölüb, 12 nəfər isə ağır yaralanıb.

Təyyarədə 39 sərnişin və 4 heyət üzvü varmış.

Tümendən Surquta uçan ATR-72 markalı təyyarə bir neçə dəqiqədən sonra yerə düşərək yanıb.

İstintaq terror aktı versiyasını istisna edir.

Əsas versiyalar texniki nasazlıq və pilotun səhvidir.