Keçid linkləri

2024, 29 Mart, Cümə, Bakı vaxtı 17:54

Hafiz Hacıxəlil. Elə beləcə


"Ədəbi Azadlıq-2012" Milli Müsabiqəsinin şeir onluğundan


Hafiz Hacıxəlil


ELƏ BELƏCƏ.....

Ömrümün sonuncu akkordlarını
qulağına əcəl adlı ağacın yarpaqları
pıçıldayacaq.
Sonuncu nəfəsim bir kəpənək qanadında
ilişib qalacaq.
Adını çəkməyə macal belə tapmayacam.
Qurumuş nar çubuğu kimi əllərim cızacaq
havada adının baş hərfini.
Bəlkə də sonuncu gülüşüm qonacaq
dodaqlarına.
Üzümün rəngi kimi səsimin ahəngi də dəyişəcək
ağır-ağır, qırıq-qırıq.
Gözdolusu ağlamağın əvəzində
bir qarışqa yükündən də yüngül gələn ölüm
və nəfəskəsən bir hıçqırıq.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG