Keçid linkləri

2024, 29 May, çərşənbə, Bakı vaxtı 16:53

Heydər Əliyev Fondu Romanın məşhur muzeyini bərpa edir


Kapitoli Muzeyi
Kapitoli Muzeyi
.
oxuzali.az

Romanın Kapitoli Muzeyində bərpa işlərinin bir hissəsi Heydər Əliyev Fondunun ayırdığı maliyyə ilə həyata keçirilir.

AzərTAc-ın məlumatına görə, bunu Azərbaycanın İtaliyadakı səfiri Roma şəhərinin meri Canni Alemanno ilə görüşündə bildirib.

Səfirin sözlərinə görə, bu, Azərbaycanın İtaliya, xüsusilə də Roma şəhəri ilə dostluq münasibətlərinin daha da gücləndirilməsinə töhfə verəcək.

Mer Alemanno Heydər Əliyev Fondu tərəfindən Roma şəhərinin Kapitoli Muzeyində bərpa işləri üçün maliyyə dəstəyinin Azərbaycan tərəfinin yalnız İtaliyanın deyil, bütövlükdə bəşəriyyətin mədəni irsinin qorunmasına verdiyi töhfəsi kimi qiymətləndirib və Heydər Əliyev Fonduna minnətdarlığını bildirib.

Birinci ledi Mehriban Əliyevanın rəhbərlik etdiyi fondun bərpa işlərinə nə qədər vəsait xərclədiyi açıqlanmır. (Fond indiyəcən maliyyə qaynaqlarını da açıqlamayıb).

2009-cu ildə Heydər Əliyev Fondu Avropanın ən möhtəşəm memarlıq abidələrindən olan - Fransanın Strasburq şəhərindəki kafedral kilsəyə - «Bizim ledi» kilsəsinə 40 min avro bağışlamışdı. Kilsədən bildirmişdilər ki, 40 min avro kilsənin iki böyük pəncərəsinin təmirinə istifadə ediləcək.

Romadakı Kapitoli muzeyi dünyada əhali üçün açıq olan ən qədim muzeydir.

1471-ci ildə Roma papası 4-cü Sikst antik tunc kolleksiyasını "hədiyyə olaraq Roma xalqına" bağışlayır, beləliklə muzeyin əsası qoyulmuş olur.

Muzey Romadakı Kapitoli meydanındakı 3 binada yerləşir.

Onları dahi Mikelancelo layihələşdirib. Burada "Ölən qall", "Kapitolinin dişi canavarı", "Mark Avrelinin at üstündə" heykəlləri və başqa şedevrlər saxlanır.

Fevralın 13-də Roma Sivilizasiyası Muzeyində açılmış “Azərbaycan, İpək yolu üzərində Odlar Yurdu” adlı sərgi may ayına qədər davam edəcək. Aprel ayında isə İtaliyada keçiriləcək Azərbaycan Mədəniyyət Günləri keçiriləcək.
Ölən qall (qladiator)
Ölən qall (qladiator)

Kapitoli muzeyi üçün Mikelancelonun layihəsi
Kapitoli muzeyi üçün Mikelancelonun layihəsi

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG