Keçid linkləri

2024, 29 Mart, Cümə, Bakı vaxtı 15:29

Whitney Houston-un həyatı film ola bilər


Whitney Houston
Whitney Houston
Fevralın 11-də Beverly Hilton otelində qaldığı nömrədə ölü tapılan Whitney Houston-un hayatından film çəkilə bilər.

Bu xəbəri Britaniyanın Dailly Mail qəzeti yayıb.

Xəbərə görə, filmdə Whitney Houston-u canlandıra biləcək namizədlər arasında ünlü müğənnini Rihanna da var.

Houstonun yaxın dostu və prodüseri Clive Davisin sözlərinə görə, film proyekti Whitney hələ sağ ikən gündəmə gəlibmiş və bu fikir onu çox həyəcanlandırıbmış.

Yeri gəlmişkən, “Cangüdən” filmiylə milyonların sevimlisinə çevrilən Houstonun məzarını da indi cangüdənlər qoruyur.

İstinad etdiyimiz qəzet ən sevdiyi zinət əşyaları ilə (dəyəri 450 min dollar) qızıl qapaqlı tabutda (dəyəri 16 min dollar) torpağa tapşırılan ünlü müğənninin məzarını 24 saat iki cancüdənin qoruduğunu yazıb.

Deyilənə görə, ailəsi fanatların onun cəsədini və bəzək əşyalarını xatirə məqsədilə oğurlamasından qorxduğu üçün bu vasitəyə əl atıb.

Xatırladaq ki, Whitney Houston ABŞ-ın Nev Jersey əyalətindəki Fairview qəbiristanlığında dəfn olunub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG