Fevralın 2-də hakim Yeni Azərbaycan Partiyası İdarə Heyətinin iclasında təşkilatın 2011-ci ildə gəlirləri və xərcləri barədə məlumat verilib. Partiyanın İdarə Heyətindən bildiriblər ki, 2011-ci ildə üzvlük haqlarından partiya büdcəsinə 4 milyon 711 min 974 manat daxil olub.
YAP-ın xərcləri isə keçən il bu şəkildə göstərilir:
- Əməkhaqlarının ödənilməsinə - 2 milyon 59 min manat,
- Müxtəlif xarakterli partiya tədbirlərinin maliyyələşdirilməsinə - 687 min manat,
- Ezamiyyət xərclərinə - 196 min manat,
- Nəqliyyat vasitələri və inventarların alınmasına - 326 min manat,
- Cari təmir işlərinə - 170 min manat,
- Təsərrüfat xərclərinə - 178 min manat,
- Çap işlərinə - 61 min manat,
- Kommunal, icarə haqqı, rabitə xərcləri, bank xidməti və sair istiqamətlərə - 50 min manat.
YAP mətbuat xidmətindən “Media forum” saytına verilən məlumata görə, iclasda partiyanın 2011-ci il hesabatı dinlənib, 2012-ci ilin birinci yarısına dair iş planı müzakirə olunub.
2012-ci il yanvar ayının 1-nə olan məlumata görə, Yeni Azərbaycan Partiyası üzvlərinin sayı 556 min nəfərdən yuxarı olub. 2011-ci ildə YAP sıralarına 34 mindən çox yeni üzv qəbul edilib ki, onların da 60 faizə qədəri gənclərdir.
1993-cü ildən hakimiyyət başında olan YAP-nın gəlirləri və xərcləri haqqında məlumata fikirlərini forumda göndər, müzakirələrə qoşul.
