İranda daha 1 blogger edam cəzasına məhkum edilib

Tehran İnqilab Məhkəməsinin 15-ci şöbəsi gənc blogger Mehdi Əlizadəni edam cəzasına məhkum edib.

APA-nın məlumatına görə, o ölkədə fəsadlar törətmək və Allaha qarşı müharibə aparmaqda ittiham olunurdu.

Mehdi Əlizadə hazırda Tehranın Evin zindanındakı 350-ci kamerada saxlanılır.

Bir müddət əvvəl İranda daha 2 gənc blogger, Səid Məlikpur və Vahid Əsgəri barəsində də edam hökmü çıxarılıb və qərar İranın Ali Məhkəməsi tərəfindən təsdiqlənib.