Keçid linkləri

2024, 28 Mart, Cümə axşamı, Bakı vaxtı 22:39

Korrupsiyaya Qarşı Mübarizə İdarəsi bir ildə nə iş gördüyünü açıqlayır


Arxiv foto
Arxiv foto
-

2011-ci ildə Azərbaycan hüquq-mühafizə orqanlarından Baş prokuror yanında Korrupsiyaya Qarşı Mübarizə İdarəsinə 30 məlumat daxil olub.

APA-nın məlumatına görə, bunu Baş prokuror yanında Korrupsiyaya Qarşı Mübarizə İdarəsinin rəisi Kamran Əliyev bu gün keçirdiyi mətbuat konfransında bildirib. Onun sözlərinə görə, daxil olan həmin məlumatlardan 9-u Fövqəladə Hallar Nazirliyindən, 9-u Ədliyyə Nazirliyindən, 1-i Məhkəmə-Hüquq Şurasından, 1-i Daxili İşlər Nazirliyindən, 1-i Dövlət Miqrasiya Xidmətindən, 4-ü Milli Təhlükəsizlik Nazirliyindən və 5-i digər hüquq-mühafizə orqanlarından olunub.

Həmin məlumatlar əsasında araşdırma aparılaraq 25-i üzrə cinayət işi başlanıb, onlardan 15-i məhkəməyə göndərilməklə 5 cinayət işi üzrə hökm çıxarılıb, 10 iş məhkəmə baxışındadır. Daha 10 cinayət işi üzrə isə hazırda ibtidai istintaq davam etdirilir.
Yanvarın 27-də Azərbaycanda hökumət strukturlarında geniş anti-korrupsiya kampaniyasının başlanmasından bir il ötür. Keçən il yanvarın 27-də prezidentin tapşırığı ilə hökumətdə bütün strukturlarında anti-korrupsiya iclasları keçirib, əliəyriliyə görə hansı tədbirləri gördüklərini elan etmişdilər.

Baş prokuror yanında Korrupsiyaya Qarşı Mübarizə İdarəsi də həmin kampaniyanın tərkib hissəsi kimi gücləndirilib.

Həmin kampaniyanın ilk aylarında hətta hökumətin sərt tənqidçiləri də görülən tədbirlərin bəzi sahələrdə ciddi dəyişikliklərə səbəb olduğunu deyirdilər. Amma onlar həm də qeyd edirlər ki, bir neçə ay sonra vəziyyət əvvəlki illərdən daha da pisləşib.

Transparency İnternational təşkilatının sonuncu hesabatına görə 2011-ci il Korrupsiyanı Qavrama İndeksinə görə Azərbaycan 2,4 balla 183 ölkə arasında 143-cü sırada qərarlaşıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG