Keçid linkləri

2017, 27 İyul, Cümə axşamı, Bakı vaxtı 16:59

20 Yanvara görə Şamaxıda Kommunist Partiyasından kütləvi imtina [VIDEO]


Mitinqdə çıxış edənlərin bir çoxu baş verən faciədə kommunist partiyasını günahlandırır və bu partiyanın sıralarından çıxdıqlarını bildirərək, üzvlük vəsiqələrini ayaqlar altına atırdılar.

Bu matəm mitinqi 1990-ci il yanvarın 22-də “20 yanvar” faciəsində həlak olanların üç mərasimi ilə bağlı Şamaxı şəhərində keçirilib. Mitinqin aparıcısı AXC Şamaxı təşkilatının sədri Əli Məmmədov idi.

Mitinqdə çıxış edənlərin bir çoxu baş verən faciədə kommunist partiyasını günahlandırır və bu partiyanın sıralarından çıxdıqlarını bildirərək, üzvlük vəsiqələrini ayaqlar altına atırdılar. Yerli hakimiyyət orqanlarına böyük inamsızlıq yaranmışdı və onlardan heç kim bu aksiyada iştirak etmirdi.

Sovet hərbiçilərinin paytaxt Bakıda törətdiyi qırğında Şamaxı rayonundan da 2 nəfər həlak olmuşdu. Mitinqdə isə tək bu 2 nəfərə görə yox, Azərbaycanın azadlığı uğrunda canından keçən bütün insanlar üçün göz yaşı axıdılırdı...

Sənin fikrin

Şərhləri göstər

Günün bütün mövzuları

XS
SM
MD
LG