Keçid linkləri

2017, 22 Oktyabr, bazar, Bakı vaxtı 16:03

Aqşin Mehdiyev: «BMT-də bizim öz prinsiplərimiz var»


Aqşin Mehdiyev
Yanvarın 4-də BMT-nin Təhlükəsizlik Şurası (TŞ) yenilənmiş heyətlə 2012-ci ildə ilk iclasını keçirəcək.

Yanvarın 1-də Azərbaycan, Qvatemala, Mərakeş, Pakistan və Toqo BMT TŞ-nin qeyri-daimi üzvü kimi səlahiyyətlərinin icrasına başlayıblar. Həmin ölkələr bu təşkilata ötən ilin oktyabrında Baş Assambleyada keçirilən seçkilər zamanı 2 il müddətinə seçiliblər.

Azərbaycanın BMT-dəki daimi nümayəndəsi Aqşin Mehdiyev ITAR-TASS-a bildirib ki, Azərbaycan TŞ-də baş verən bütün proseslərdə, qərarların qəbulunda, komitələrin və işçi qruplarının işində fəal iştirak etməyi planlaşdırır.

Suriyadakı hadisələrə toxunan A.Mehdiyev deyib ki, Bakının bu məsələdə kifayət qədər dəqiq baxışı var: «İlk növbədə, biz Ərəb Dövlətləri Liqasının bu istiqamətdəki fəaliyyətini dəstəkləyirik»

A.Mehdiyev qeyd edib ki, tərəflər qarşıdurmanı daha da dərinləşdirə biləcək hərəkətlərdən çəkinməlidir: «Biz hesab edirik ki, hazırda Suriyanın hər hansı daxili işlərinə müdaxiləyə ehtiyac yoxdur. İnsanlara imkan vermək lazımdır ki, onlar məsələləri gərginliyin artmasından çəkinməklə özləri həll etsinlər».

Fələstinin BMT-yə mümkün üzvlüyünə toxunan səfir xatırladıb ki, Azərbaycan artıq Fələstin dövlətini tanıyıb. Üstəlik, Bakıda Fələstin səfirliyi açılıb: «Düşünürəm ki, biz bu mövqedən çıxış edəcəyik».

A.Mehdiyev deyib ki, Azərbaycanın BMT TŞ-nin gündəliyindəki bir çox məsələlər üzrə öz mövqeyi var: «Nə vaxtsa bizim mövqeyimiz digər ölkələrin mövqeyi ilə uyğun gəlirsə, bu, çox yaxşıdır. Uyğun gəlmirsə, o zaman bizim öz prinsiplərimiz var və biz onlardan geri çəkilmək niyyətində deyilik».

A.Mehdiyev bəyan edib ki, Bakı Ermənistan-Azərbaycan münaqişəsi üzrə TŞ-nin qətnamələrinin yerinə yetirilməsinin vacibliyində təkid edib və edəcək. O, ümid etdiyini bildirib ki, Azərbaycanın beynəlxalq arenada nüfuzunun artması və onun TŞ-də üzvlüyü münaqişənin nizamlanması prosesində müsbət rol oynaya bilər.

Səfir Azərbaycanın BMT-də Rusiya ilə sıx münasibətlərinə toxunub: «Bizim mövqelərimizin üst-üstə düşmədiyi məsələlər varsa da, onlar çox azdır...Biz Rusiya tərəfi ilə TŞ və ondan kənarda sıx əməkdaşlıq etməyə davam edəcəyik».

Sənin fikrin

Şərhləri göstər

Günün bütün mövzuları

XS
SM
MD
LG