İsrail və Fələstin nümayəndələri görüşüblər

İordaniyanın paytaxtı Ammanda İsrail və Fələstin nümayəndələri görüşüblər. Görüşün əsas məqsədi sülh danışıqlarının davam etdirilməsi olub.

İordaniyanın xarici işlər naziri Nasser Yudeh bildirib ki, görüş müsbət olub, tərəflər danışıqları davam etdirmək niyyətindədir.

İsraillə Fələstin arasında danışıqlar 2010-cu ilin sentyabrında dayandırılmışdı.