Erdogan 35 kürd mülki şəxsin ölməsindən təəssüfünü bildirib

Türkiyənin baş naziri Erdogan hava zərbələrində 35 kürd mülki şəxsinin həlak olmasından təəsüfünü bildirib.

Onun sözlərinə görə, məlum olub ki, ölənlər qaçaqmalçılardır, kürd separatçıları deyil.

Cümə axşamı Türkiyə təyyarələri İraqdan Türkiyəyə mal daşıyan qaçaqmalçıları səhvən kürd yaraqlısı kimi qəbul edib və hava zərbələri endirib.

Türkiyənin cənub-şərqində minlərlə kürd ölənlərin dəfninə gəlib.