İraq xarici işlər nazirinin Azərbaycana səfəri başlayıb

İraqın xarici işlər naziri Hoshiyar Zebarinin Azərbaycana rəsmi səfəri başlayıb.

APA-nın məlumatına görə, o səfər zamanı XİN-in rəhbəri Elmar Məmmədyarov, Milli
Məclisin sədri Oqtay Əsədov, rabitə və informasiya texnologiyaları naziri Əli Abbasovla görüşəcək.

Onun prezident İlham Əliyevlə də görüşəcəyi gözlənilir.

Danışıqlarda əsasən enerji və humanitar sahələrdə əməkdaşlıq, habelə İraqın bərpasında
Azərbaycanın iştirakı müzakirə olacaq.