Keçid linkləri

2024, 27 May, Bazar ertəsi, Bakı vaxtı 07:41

Akunin: Putini Qəddafinin aqibəti gözləyir


Boris Akunin
Boris Akunin
Tanınmış Rusiya yazıçısı Boris Akunin (Qriqori Çxartişvili) gələn ilin martında keçiriləcək prezident seçkilərini boykot etməyə çağırıb.

O öz bloqunda bir neçə gün əvvəl başa çatmış parlament seçkilərini "rüsvayçılıq" adlandlrlb və müxalifət liderlərini belə seçkilərə qatılmamağa çağırıb.

Akunin məxsusi olaraq "Yabloko"nun lideri Qriqori Yavlinskiyə müraciət edərək bildirib ki, əgər o, seçkini boykot etsə, "yenidən xalqın hörmət və etimadını özünə qaytarar".

Yazıçı Kommunist Partiyasının rəhbəri Gennadi Züqanova da eyni çağırışla müraciət edib.

Akunin müxalifət liderlərini "hakimiyyətin çaldığı havaya oynayanlar" sayır.

Yazıçı hesab edir ki, etirazın ən yaxşı forması boykotdur:

"Qoy bütün ölkə boyu plakatlar asılsın, seçki məntəqələri isə boş qalsın. Qoy yalnız "karuselçilər" avtobuslarla səsverməyə getsin. Müxalifət seçkiyə müşahidəçi də göndərməsin. Qoy "juliklər" qutulara büllletenləri lap samosvalla doldursunlar".

Yazıçı hesab edir ki, "utanmadan saxtalaşdırılan" son parlament seçkiləri vətəndaş cəmiyyətinin sıralarını daha da genişləndirib.

Akunin bloqunda yazıb ki, yenidən prezident olmaq istəyən baş nazir Putini Liviya lideri Qəddafinin aqibəti gözləyir: "O bunu istəmirsə könüllü istefa verməlidir".

Hazırda müxalifətçilər seçkidə qələbəsi elan edilən hakim Vahid Rusiya Partiyasına qarşı Moskva və başqa böyük şəhərlərdə etiraz aksiyaları keçirirlər. Aksiyaları dağıtmaq üçün iqtidar polis və ordunun gücündən istifadə edir.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG