Çin rəsmisi deyir ki, ölkədə sosial gərginlik yarana bilər

Çində iqtisadi geriliyə görə sosial gərginlik gözlənilir.

Bunu Çin Kommunist Partiyası Mərkəzi Komitəsinin üzvlərindən biri regional hakimiyyət orqanları nümayəndələrinin toplantısında deyib.

Onun sözlərinə görə hökumət sosial etirazlara yaxşı hazırlaşmayıb və iqtisadi sabitlik yaratmaq üçün yeni təkliflər gərəkdir.

Son vaxtlar Çində tətil və digər etiraz formalarının artığı müşahidə olunur, fabriklər bağlanır.

Bunun əsas səbəblərindən biri Qərb ölkələrində Çin mallarına tələbatın azalmasıdır.