Keçid linkləri

2024, 29 Mart, Cümə, Bakı vaxtı 16:19

Rusiyada "onilliyin kitabı"nı seçdilər


Aleksandr Çudakov
Aleksandr Çudakov
Rusiyanın ən nüfuzlu kitab mükafatlarından olan "Русский Букер" son 10 ilin nəsr əsərləri arasından ən yaxşısını seçib.

Bu, Aleksandr Çudakovun "Ложится мгла на старые ступени" romanıdır.

"Русский Букер десятилетия" mükafatı 2001-2011-ci illərdə "Русский Букер"in qısa siyahısına daxil olmuş əsərlər - 60 əsər arasından seçilib. Çudakovun əsəri də 2001-ci ildə finalacan gedib çıxmışdı (qalib olmasa da).

Mükafat yazıçının həyat yoldaşı, yazıçı Marietta Çudakovaya təqdim edilib. Çudakov 2005-ci ildə 67 yaşında müəmmalı şəraitdə kəllə-beyin travmasından dünyasını dəyişib.

"Русский Букер десятилетия" mükafatının qalibi üçün 600 min rubl (təxminən 20 min dollar), finalçılar üçünsə 2 min dollar məbləğində pul mükafatı nəzərdə tutulub.

Kitab Qazaxıstanın Çebaçinsk adlanan kiçik bir şəhərində yaşayan, SSRİ-nin müxtəlif yerlərindən Stalin repressiyaları zamanı sürgün olunmuş ziyalı ailələrindən bəhs edir.

Hadisələr ötən əsrin 30-50-ci illərində baş verir. Əsər bütün məhrumiyyətlərə baxmayaraq iradəsini, sabaha ümidini və mərhəmət hissini qoruya bilmiş, onu sonrakı nəslə ötürmüş insanlar haqqındadır. (Romanın jurnal variantını oxu)

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG