Keçid linkləri

2024, 29 Mart, Cümə, Bakı vaxtı 12:03

Aytmatov Akedemiyası keçmiş prezident Akayevi mükafatlandırdı


Askar Akayev
Askar Akayev
Londonda fəaliyyət göstərən Aytmatov Akademiyası özünün ilk beynəlxalq mükafatlarının qaliblərini açıqlayıb.

Qırğızıstanın inqilabla devrilmiş keçmiş prezidenti Askar Akayev mükafata Türk dünyasının və Rusiyanın böyük yazıçısı "Çingiz Aytmatovun yaradıcılığının təbliğindəki xidmətlərinə görə" layiq görülüb.

Bu barədə İTAR TASS agentliyinə istinadla oxuzalı.az xəbər verir.

Mükafat keçmiş prezidentə ötən həftənin sonunda Londonda keçirilən mərasimdə təqdim edilib.

Bildirilib ki, Akayevin hakimiyyəti dövründə yazıçının əsərləri qırğız dilində çap edilib. Bundan başqa Bişkekdə Çingiz Aytmatov adına kitabxana yaradılıb.
Aytmatovun əsərlərinin ingilis dilinə ən yaxşı tərcüməsinə görə Britaniyalı yazıçı Ceyms Riordan və almancaya ən yaxşı tərcüməsinə görə almaniyalı slavist Fridrix Xitser (ölümündən sonra) də mükafatlandırılıb.

Yazıçının almancaya çevrilmiş bütün əsərlərini çap edən "Unionsferlaq" nəşriyyatı (İsveçrə) və Aytmatov yaradıcılığının vurğunu, onun əsərlərinin ingiliscə çapına dəstək vermiş "Astana" peşəkar veloidman klubunun direktoru, biznesmen Aydar Maxmedov da mükafata layiq görülüblər.

Aytmatov Akademiyası 2011-ci ildə yaradılıb. Onun məqsədi Aytmatov yaradıcılığını Britaniya və bütün dünyada təbliğ etməkdir. (Akademiyanın saytı)

Aytmatov Akayevin hakimiyyəti dövründə Qırğızıstanın Fransa, Belçika və s. Avropa ölkələrində səfiri olub. 2008-ci ildə Nürnberq xəstəxanasında vəfat edib.

Həmçinin bax - bu il Bişkekdə Aytmatova qiyulan heykəl

























AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG