Keçid linkləri

2024, 24 Aprel, çərşənbə, Bakı vaxtı 03:44

Jalə. Deyə bilməyəcəm...


Deyə bilməyəcəm…

…bəlkə hava isindi qəfil,
bəlkə həmişə oturduğumuz kafe
yerində yox idi,
bəlkə köhnə dostlardan heç kim qalmamışdı,
bəlkə ağlamaq istəmişdim, alınmamışdı?
haradansa gəldi bu darıxmaq..

yəqin yenə yadıma düşüb, xəbərim yox,
ilk diş ağrım,
yəqin həmin o tonqalın qarğışı tutub,
üstündən atılıb demişdim:
“səndə qalsın ağrım-uğrum..”
yəqin təzyiqim düşüb yenə -
ürəyim gileylənir,
yəqin, o, yenə acdı -
tikəm boğazda darıxır..
bilmirəm, haradansa gəldi bu darıxmaq..

…indicə düzələcək əhvalım,
indicə üzüm güləcək,
indicə barışacam dünyayla,
gülə-gülə
ən nadir etirafımı eşidəcək:
“yaxşı, yaxşı, sən məndən güclüsən…”

..axı haradan gəldi bu darıxmaq..?

…düzünü deməyəcəm,
deyə bilməyəcəm…
çılpaq budaqlar
tək-tük xınalı barmaqlarını
dodaqları üstə qoyub
“sus” deyir mənə..
sarı
qırmızı
qızılı
kədərlə…

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG