London İqtisadiyyat Məktəbinin professoru Azərbaycanın MDB-də azad ticarət zonasına üzvlüyünü məsləhət bilmir

“Azərbaycanın MDB-də azad ticarət zonasına mümkün üzvlüyü Avropa Birliyinin bir sıra MDB ölkələri ilə imzalamaq istədiyi oxşar sənəd layihəsinə ziddir”.

Bunu London İqtisadiyyat Məktəbinin professoru Margot Light İnterfaks agentliyinə deyib.

Ekspert bu yaxınlarda formalaşan Gömrük Birliyi haqda bədbin fikirdədir. O deyir ki, Rusiya uzun illərdir ki, MDB ölkələri ilə sıx əməkdaşlıq qurmaq istəyir. Ancaq Light-ın sözlərinə görə, Rusiya tez-tez Gömrük Birliyinin əsasına qoyulan şərtləri özü pozur.