Fransa ilə Almaniya AB-nin müqaviləsinə düzəliş edilməsini istəyirlər

Fransa prezidenti Nikolas Sarkozy ilə Almaniyanın kansleri Angela Mekel Avropa Birliyinin müqaviləsinə düzəliş edilməsini təklif etmək fikrindədirlər.

Onların fikrincə bu düzəlişlər birlik ölkələrinin böhranlı vəziyyətlərə cəld reaksiya verməsinə imkan yaradacaq.

Sarkozy ilə Merkel cümə axşamı Strasburda İtaliyanın yeni baş naziri Mario Monti ilə görüşüblər.

Sarkozy Fransa, Almaniya və İtaliyanın vahid valyutanın qorunub saxlanmasında maraqlı olduqlarını deyir.