Keçid linkləri

2024, 19 Aprel, Cümə, Bakı vaxtı 12:47

Əli Əkbərdən yeni roman gəldi



Yazıçı Əli Əkbərin "Sarı gəlin" adlı yeni romanı çapdan çıxıb.

Yazıçı bu yaxınlarda "Xural" qəzetinə müsahibəsində roman haqda məlumat vermişdi:

- Kitabın redaktoru Elnur Astanbəylidir. Roman haqqında nə deyə bilərəm? Roman bu günə qədər yazdıqlarımın içərisində mənə ən çox əzab verən, ağrıdan roman oldu. Oxucu romanla tanış olanda nə demək istədiyimi başa düşəcək.

Janr kimi “Amneziya” çox rahat əsər idi. Antiutopiya elementləri olan utopiya. Yeni romanın janrını isə müəyyənləşdirə bilmirəm.

Həm siyasi satiradır, həm detektiv elementləri var, istəyən triller də deyə bilər. Bu qədər. Ümumiyyətlə, öz əsərlərim haqda danışmaqda çətinlik çəkirəm.

- Deməli “Sarı gəlin” də, əvvəlki əsərlər kimi siyasi xarakterlidir?

- Bəli. “Amneziya” qədər nikbin əsər olmasa da, qəddar roman olsa da – siyasidir.

Adına gəldikdə isə... əslində ilk baxışdan siyasi görünmür, lakin “Sarı gəlin” kifayət qədər siyasiləşmiş mahnı olduğundan, düşünürəm ki, ad seçimim özünü doğruldacaq. Roman Ermənistan-Azərbaycan konflikti kontekstində yazılmayıb.

Sadəcə qəhrəmanlarımdan biri bu mahnı başda olmaqla, bizim dırnaqarası milli-mental dəyərlərimizin müdafiəçisidir.

Hər zaman olduğu kimi, bu dəfə də ən düzgün qiyməti oxucular verəcək...


Noyabrın 25-də saat 18:00-da “Hiss” Klubda (Qoqol küç. 9) yeni romanın təqdimatı olacaq.

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG