Qanunsuz miqrantları saxlamaq üçün mərkəzlər açılır

Azərbaycanda qanunsuz miqrantların saxlanılması üçün mərkəzlər açılacaq.

Bu haqda Dövlət Miqrasiya Xidmətinin rəis müavini Pərviz Musayev bildirib.

Mərkəzlər Bakı və Yevlax şəhərlərində tikilib: «Qanunsuz miqrantların saxlanması üçün tikilən mərkəzlər yaxınlarda istifadəyə veriləcək. Azərbaycanda aşkarlanan qanunsuz miqrantlar həmin saxlama mərkəzlərində yerləşdiriləcək və qanunvericiliyə uyğun olaraq ölkə ərazisindən çıxarılmaları təmin ediləcək». /apa/