Küveytdə təhlükəsizlik tədbirləri gücləndirilir

Küveytin əmiri şeyx Sabah əl Sabah milli qvardiya və xüsusi xidmətə təhlükəsizlik tədbirlərinin gücləndirilməsini göstəriş verib.

Bundan əvvəl onlarla nümayişçi parlament binasının qarşısına yığışaraq hökumətin istefasını tələb ediblər.

Onlar əmirin qohumu olan baş naziri korrupsiyada ittiham edirlər.

Müşahidəçilər bunun ərəb ölkələrində başlayan etirazlardan bu yana Küveytdə ən böyük aksiya olduğunu deyirlər.