Khamenei ABŞ-la İsrailə xəbərdarlıq edib

İsrail və ya Birləşmiş Ştatlar İranın nüvə obyektlərini vurmağa cəhd göstərsələr güclü müqavimətlə üzləşəcəklər.

Bunu İranın ali dini lideri Ayatollah Ali Khamenei bəyan edib.

İsrail bundan əvvəl İranı nüvə proqramından döndərmək üçün beynəlxalq aləmi ona təzyiq göstərməyə çağırmışdı.

Yüksək səlahiyyətli İsrail rəsmiləri isə bundan əvvəl İranın nüvə obyektlərinin vurulmasını istisna eləməmişdi.

Beynəlxalq Atom Enerjisi Agentliyi çərşənbə axşamı İranın nüvə silahı üzərində işləməsilə bağlı dəlillər olduğunu bəyan edib.

Tehran ittihamı rədd edir.