Keçid linkləri

Təcili xəbərlər
2021, 01 Dekabr, çərşənbə, Bakı vaxtı 14:07

Tunisdə seçkidən sonra qarışıqlıq yaranıb


Tunisdə ölkənin seçki komissiyası parlament seçkilərinin nəticələrini elan edəndən sonra Sidi-Buzid şəhərində qarışıqlıq yaranıb. Altı seçki dairəsinin qarşısına toplaşan seçicilər nəticələrə etirazlarını bildiriblər.

Ölkənin seçki komissiyası islamçı Ennahda partiyasının qalib gəldiyini elan edib. Bu partiya parlamentdəki 217 yerdən 90-nı qazanıb. Etirazçılar qalib partiyanın qərargahına soxulmaq istəyiblər. Polis gözyaşardıcı qazdan istifadə edib.

İkinci yerdə 30 deputat mandatı qazanmış Respublika Konqres gəlir. Sosial-demokratların Ettakatol partiyası 21 yer qazanıb.

Tunisdə parlament seçkiləri bazar günü keçirilib.

Parlament ölkənin yeni Konstitusiyasını hazırlayacaq.
XS
SM
MD
LG