Əfqanıstanda törədilmiş partlayışda azı 10 sakin ölüb

Əfqanıstanın Parvan əyalətində yanacaqdaşıyan maşının partlaması nəticəsində azı 10 nəfər ölüb, onlarla adam yaralanıb.

Yerli rəhbərliyin məlumatına görə tankerə partlayıcı qoyulubmuş.

Birinci partlayışdan sonra camaat yanacaq götürmək üçün hadisə yerinə axışıb və elə bu vaxt ikinci partlayış baş verib.

Hələlik partlayışa görə cavabdehliyi heç kim üzərinə götürməyib.