H.Clinton Özbəkistanı insan haqlarına diqqəti artırmağa çağırıb

ABŞ dövlət katibi Hillary Clinton Özbəkistanın hakim dairələrini insan haqlarının qorunması sahəsindəki problemlərə daha çox diqqət ayırmağa çağırıb.

Hillary Clinton Daşkəntdə prezident İslam Kərimovla görüşüb.

İslam Kərimov isə liberallaşma və ölkədə demokratik islahatlar sahəsində irəliləyişə nail olunacağını vəd edib.

Dövlət katibi həmçinin Əfqanıstanda aparılan beynəlxalq antiterror əməliyyatında iştirakına görə Kərimova təşəkkürünü bildirib.

Hillary Clinton Daşkəndə Düşənbədən gəlib.

Bundan əvvəl isə Əfqanıstan və Pakistanda olub.